Американскиот претседател Доналд Трамп изјави дека очекува војната со Иран да заврши наскоро.
„Сметам дека тоа ќе заврши многу наскоро. Не мислам дека тие можат да издржат уште многу“, рече американскиот претседател.
Некои американски медиуми јавија дека американската армија потрошила голем дел од своите резерви на ракети со долг дострел во текот на војната, која трае пет месеци. Трамп нагласи дека САД располагаат со речиси неограничени количини на одредена воена опрема, но додаде дека има и ограничени резерви на некои оружја.
„Има одредени видови муниција кои се исклучително моќни, од кои располагаме со неограничена, практично неограничена резерва. Има и други, чии резерви се малку поограничени“, рече Трамп.
Шефот на Белата куќа истакна дека американските компании за производство на оружје градат нови фабрики, вклучително и за производство на ракетите „Патриот“ и „Томахавк“.
