Растот на животниот стандард во Македонија е резултат на макотрпна и посветена работа на Владата, која ќе продолжи со исто темпо да работи и во иднина, посочи премиерот Христијан Мицкоски. Тој смета дека резултатите објавени од Евростат, кои се однесуваат на порастот на куповната моќ на ѓраѓаните, се доволен демант на невистините што опозицијата ги пласира во јавноста.
„Се водеше плитка кампања која потворно беше демантирана и повторно тие ќе жалат и ќе бидат разочарани зошто Македонија не е најслаба, туку е многу подобра од неколку земји на ЕУ и од сите земји во регионот“, вели премиерот.
Пред два дена, Евростат ги објави податоците за минималните бруто заработки на земјите членки, но и на кандидатите. Бројките покажуваат дека минималната бруто плата кај нас изнесува 624 евраво бруто износ и за 10 години се зголемила за 388 евра, односно во 2016-та изнесува 236 евра.
„Ако се споредат бројките од пред три-четири години, ќе може да се забележи значаен напредок.- Дали е тоа доволно? Не е. Ќе продолжиме да работиме за уште подобро и повеќе. Мотивирани сме како никогаш“, додаде Мицкоски.
Ако се спореди по куповната моќ, според мерењата на Евростат Македонија е пред Србија, Црна Гора, Турција и Албанија, како и пред 7 други земји членки на Европската Унија.
