Потпретседателот на Собранието Антонијо Милошоски, ја предводеше собраниската делегација на одбележувањето на националниот празник 2 Август, Илинден – Денот на Републиката во Крушево.
Во состав на делегацијата беа Никола Мицевски, Петар Ристески и Митко Трајчулески. На одбележувањето присустуваа бројни делегации на на различни институции, политички партии, граѓански здруженија, амбасади.
Потпретседателот на Собранието Милошоски во своето обраќање на Мечкин камен порача дека нашето востание денес не се пушката и Црешовото топче, туку одговорноста да се создаде семејство и да се воспитаат деца и нагласи дека демографијата е нашата нова борба за Македонија. Тој рече дека демографијата не е само социјално и економско прашање, туку прашање и на личен приоритет, на семејна среќа и национален опстанок.
Милошоски исто така со порака дека Илинден нè учи дека има мигови кога она што нè обединува мора да биде поголемо од она што нè дели. -Може да имаме различни политички ставови и различни погледи за патот по кој се движиме. Тоа не е слабост, тоа е демократија, но постојат работи што мора да стојат над поделбите, а Македонија е првата меѓу нив, нагласи Милошоски.
