Цените на нафтата повторно одат нагоре, загриженоста кај граѓаните расте. На дел од бензинските пумпи во Македонија можеа да се забележат редици возила кои побрзаа да наполнат гориво пред поскапувањето на дизелот од 5 и пол денари и на бензините од денар и пол по литар. Аналитичарите препорачуваат Владата активно да ја следи состојбата и ако поскапувањето продолжи, да интервенира со нов сет мерки. Дел од репертоарот кој и стои на располагање вклучува намалување на акцизите и ДДВ. Бараат поголемо штедење на државните пари за д аможат да се воведат соодветни мерки за одржување на животниот стандард.
„Сето тоа зголемување, Владата се обидува или се обидувала да го надополни кон граѓаните за граѓаните да не го почувствуваат тој негативен ефект кој се случува поради геополитичките случувања, особено со цената на нафтата. И сега нормално е ребалансот да повлече такви активности и на крајот на денот би било добро во тој ребаланс да се скрати нешто непродуктивно , како уредувањ ена канцеларии и ред други и апсолутно да се предвидуваат средства“ – вели Иван Атанасовски – економски аналитичар.
Од Владата смируваат, надлежните институции континуирано ја следат и анализираат состојбата на пазарот. Во овој момент сѐ уште е активна одлуката за кризна состојба на пазарот со нафтени деривати до 20-ти јули, но доколку околностите го наложат тоа, Владата ќе ги разгледува сите можности и мерки кои и стојат на располагање, што вклучува и продолжување на кризната состојба. Тоа е неопходно за да се носат мерки за поддршка на граѓаните.
„Во изминатиот период веќе беа преземени конкретни мерки за ублажување на ценовните притисоци, меѓу кои намалување на ДДВ за горивата, намалување на акцизите за бензините и дизелот, како и засилен инспекциски надзор врз пазарот. Овие мерки се продолжени со што и понатаму се обезбедуваат едни од најниските цени на горивата во регионот и покрај тоа што станува збор за берзански производ, државата располага со најниски цени на дизел гориво и на бензините“ – велат од Владата.
Од Владата дополнуваат дека снабдувањето со горива е стабилно, а државата има доволно количини за непречено функционирање на бизнисот и граѓаните. Во услови на најголематасветска енергетска криза, Македонија успеа да ги задржи најниските цени на дизелот и бензините во регионот. Засега е неизвесно до кога ќе трае кризата на Блискиот Исток, бидејќи ситуацијата од ден на ден постојано с еменува, а привремениот мир, повторно беше нарушен и ги дигна цените на нафтените деривати. Во моментов, нафтата од типот брент се тргува за над 87 долари за барел , што е значајно зголемување од 15% за само 4 дена.
