Општина Новаци изврши целосна замена на старите, оштетени и дотраени сообраќајни знаци на регионалните патни правци низ општината.
Од Општина Новаци информираат дека активноста е реализирана во соработка и со целосна поддршка од ЈП „Македонија пат“ – подружница Битола, со што е зголемена безбедноста на патиштата во овој дел на Пелагонија.
-Заменети се сите оштетени патокази со нови, а на локациите каде што недостасуваше сообраќајна сигнализација се поставени нови знаци, со што значително се подобрува безбедноста и ориентацијата на возачите. Новата вертикална сигнализација е поставена на двата регионални патни правци Новаци – Тополчани, до село Далбеговци и Новаци – Старавина, потврдија од тамошната локална самоуправа.
Од Општина Новаци најавуваат дополнителни мерки и активности кои ќе придонесуваат за побезбедна, поуредена и подобро инфраструктурно поврзана општина.
