Македонија и Турција ќе работат на воспоставување карго железничко поврзување меѓу двете земји, со цел да се забрза транспортот на стоки и да се зголеми трговската размена. Ова било договорено на средбата на вицепремиерот и министер за транспорт Александар Николоски со министерот за трговија Омер Болат како и Абдулкадир Уралоглу, министерот за транспорт на Турција, каде што се разговарало за унапредување на економската и инфраструктурната соработка меѓу двете држави.
Според Николоски, една од клучните теми на разговорите била воспоставувањето карго железничка линија која ќе овозможи поефикасен транспорт на стоки меѓу Македонија и Турција, со што би се намалиле трошоците за превоз и би се отвориле нови можности за стопанството.
На средбите било разговарано и за дополнително подобрување на воздушната поврзаност меѓу двете земји, вклучително и директна авиолинија меѓу Анкара и Скопје.
Николоски оцени дека Македонија и Турција градат силно партнерство со заедничка визија за економски развој и регионална соработка, при што транспортното поврзување останува еден од главните приоритети во билатералните односи.
Објавата може да ја погледнете на следниот линк:
