Ако запалите цигара во автомобил додека возите дете до 12 години, или пак пушите на 20 метри пред влез на училиште, градинка или болница, ќе платите казна. Истото ви следи ако запалите електронска цигара мислејќи дека ова важи само за тутунот.
Овие мерки се дел од конечната верзија на новиот Закон за заштита од пушење, кој денес треба да помине во Владата. Според надлежните, со овој закон треба да се намали бројот на активни пушачи во земјава, со оглед на статистиките кои велат дека голем процент од населението користи никотински производи.
Само угостителите ќе имаат период на адаптација и нема да бидат казнети во текот на првата година, а сите останати ќе ги плаќаат казните уште веднаш.
Граѓаните целосно го поддржуваат законот.
