Палермо на Сицилија, Алгеро на Сардинија. Ова се само две од новите пет авиолинии кои се воведуваат од двата македонски аеродрома. Глобалната криза не ги пореметува плановите на македонската Влада чија стартегија за развој на авио сообраќајот предизвикува вистински бум во понудата. Освен кон двете атрактивни туристички дестинации, од Скопје директно ќе се лета и кон Вроцлав и Краков во Полска. Значајно е што и Охрид директно ќе се поврзе со летови кон Виена.
- Аустриан ерлајнс почнува да лета редовно Виена- Охрид, што ќе е одлично и заради тоа после конектинг летовите од Виена натака, Визер почнува да лета од Полска, Вроцлав и Краков, исто за Охрид што ќе е одлично за развојот на туризмот, ќе ги донесе полските туристи, а од Скопје имаме две одлични летни дестинации кои што ќе продолжат и после летото, но така се перципираат, едната е Палермо на Сицилија и втората е Алгеро на Сардинија. – изјави Александар Николоски, вицепремиер и министер за транспорт и врски.
Во целата стратегија, охрабрува и веста дека не само што нема проблем со керозин, туку и аеродроми од регионот се снабдуваат со авионско гориво од кај нас.
Целосно со керозин го снабдуваме приштинскиот аеродром и делумно нишкиот аеродром. – вели Николоски.
Експанзијата на авиосообраќајот од двата македонски аеродроми се случи со промена на стратегијата за поддршка на овој сектор која ја воведе актуелната Влада. За разлика од претходно, поддршката која ја добиваат авиокомпаниите се однесува на превезен патник кон Македонија, што е клучно за развојот на туризмот. Тоа го потврди и статистиката која неколку квартали по ред регистрира раст во оваа дејност. Дополнително и македонските граѓани добиваат можност за патување кон бројни дестинации по многу поволни цени. Во изминатиот период, воспоставени или обновени се дваесет авиолинии.
Ана Минин
