15-годишник е уапсен откако со остар предмет, веројатно нож, нападнал ученик во основно училиште во општина Гази Баба, потврди МВР.
Според информациите од полицијата, инцидентот се случил во основното училиште ООУ „25 Мај“ во Ченто.
„На 11 мај во 14:50 часот, полициски службеници лишија од слобода 15-годишник од Скопје, постапувајќи по пријава од основното училиште дека пријавениот влегол во училиштето и со остар предмет му нанел тешки телесни повреди на 15-годишен ученик во училиштето“, велат од МВР.
Неофицијално, повреденото дете е пренесено во болница и е оперирано. Засега нема официјални детали за неговата здравствена состојба, ниту за мотивите за нападот.
