Реклама

Мора да има широка дебата: Нов Кривичен законик, нова шанса да се исправи катастрофата оставена од СДСМ и ДУИ

Нов удар за „СДСМ“: Триесеттина членови од OO Ѓорче Петров преминаа во „ЗНАМ“

Ива Михаилова тајно снимена: Закани, притисоци, услови- бегалката мора да игра по нотите на бугарските тајни служби

Штипската брза помош доби три амбулантни возила со современа медицинска опрема

Од илјадници стада до напуштени пасишта – Галичица се соочува со природна промена

Туризмот расте – целите за 2030 постигнати четири годано порано, се најавуваат нови чартер летови до Охрид

Енергетска криза во Европа – експертските поддржуваат активирање на сите домашни капацитети за стабилни цени во Македонија

Семакедонска средба во Штип – борбата за идентитетот и правата продолжува

Изградбата на автопатот Кичево-Охрид оди според планот, се најавува негово пуштање во мај следната година

Реформите во заврша фаза- Македонија во очекување на нови милиони евра од ЕУ преку Планот за раст

Се проширува достапноста на услугите на Алта банка – од понеделник се отвора експозитура во Прилеп

Костадиновски: Во 2023 година ѝ беше нанесен тежок удар на правната држава, се надевам грешките ќе бидат исправени

Свет

САД ја зголемува воената готовност по конфликтот во Израел

Втората американска група на носач на авиони Двајт Д. Ајзенхауер ќе се…

Сподели:
Фото: Алфа Вести

Втората американска група на носач на авиони Двајт Д. Ајзенхауер ќе се приклучи на ударната група со познатиот носач на авиони Џералд Форд кој веќе се наоѓа во источниот Медитеран.

„Нашата главна цел со позиционирање не еден, туку две ударни групи, е да испратиме порака за одвраќање.  Да им кажеме на актерите во регионот кои мислат дека можеби ќе сакаат да го искористат овој конфликт: „Не правете го тоа”, рече Сабрина Синг, заменик-секретар за прес на Пентагон.

Морнарите на најголемиот и најмоќниот воен брод во Америка, штотуку беа пред завршување на своето шестмесечно делување. Но, сега, секретарот за одбрана Лојд Остин ја продолжи неговата работа, заедно со крстосувачите и бродовите разурнувачи кои пловат со него, без датум за крај.

Реклама

На три воени брода од групата Батан се позиционирани илјадници маринци во водите во близина на Израел – маринци кои можат да навлезат на непријателска територија или да обезбедат медицинска нега и помош.

Со нив доаѓаат и ескадрила од нападни авиони А-10 за Блискиот Исток, со продолжено распоредување на уште една ескадрила авиони.

Ќе бидат вклучени и други борбени авиони како Ф-15 и Ф-16, бидејќи расте загриженоста дека Хезболах би можел да се приклучи на борбата од северот на границата Израел-Либан.

„Хезболах има околу 200.000 ракети и проектили. Способноста да се нападнат тие позиции би била неверојатно важна. Овие пакети на сила ја создаваат таа можност или таа опција“, вели Дакота Вуд од фондацијата Херитиџ во Вашингтон.

Покрај зајакнувањето на своето воено присуство, САД испратија најмалку пет транспортни авиони со воена помош за израелските одбранбени сили.

„Ние му ги даваме на Израел безбедносните системи што му се потребни да ги отстрани и ефективно да го потисне Хамас во Газа. Повторно, ќе повторам уште еднаш: тоа не значи убивање на невини цивили“, додава Синг.

Официјални лица од одбраната на САД велат дека администрацијата му обезбедува на Израел прецизна муниција како и ракети-пресретнувачи за неговиот систем за воздушна одбрана „Железна купола“.

Јованчо Наумоски, Глас на Америка – Вашингтон