Нов земјотрес од 4,9 степени според Рихтеровата скала повторно ја погоди Велецуела. Само два дена по разорните земјотреси што ја погодија земјата, северниот брег повторно затресе и предизвика страв кај населението кое остана без домови, болници и основна инфраструктура.
Според последните информации, најмалку 920 лица загинаа, повеќе од 3.360 се повредени, а околу 172 луѓе сè уште се заробени под урнатините. На последната прес конференицја на венецуелската претседелка беше соопштен црниот биланс. Бројот на исчезнати надминал 50.000, додека спасувачките тимови предупредуваат дека бројот на жртви најверојатно ќе продолжи да расте.
Проценките укажуваат дека над 1.000 објекти претрпеле штета. Во земјата веќе пристугнува меѓународна помош. Спасувачки тимови и кучиња трагачи пристигнуваат од САД, Велика Британија, Мексико, Холандија, Швајцарија и други држави. Вашингтон најави и пакет помош вреден 150 милиони долари, како и транспортни авиони и воени бродови.
Серијата на природни катастреофи започна во средата, кога за само неколку секунди земјата ја потресоа два силни земјотреси со јачина од 7,2 и 7,5 степени според Рихтеровата скала. Вториот потрес е еден од најсилните регистрирани во Венецуела во последниве сто години. Од тогаш се евидентирани повеќе од 200 последователни потреси.
