Креирањето штапски анкети што ги лиферуваат медиумите блиски до власта е проблем на владејачките партии и го покажува нивниот страв и паника – порачува лидерот на опозицијата, Христијан Мицкоски. Вели, вистинските бројки ќе се откријат на избори и Мицкоски ги повикува владејачките партии што поскоро да се закажат изборите.
- „Јасни се мерењата на јавното мислење и ВМРО-ДПМНЕ има повеќе од два пати поголема предност во однос на СДСМ што е историски најголема и досега не се случило опозициска партија да има толкава предност во однос на владејачка партија“ – рече Мицкоски.
22 имиња во партијата на Мицкоски ќе се борат за кандидатското место за претседател од редот на ВМРО-ДПМНЕ и коалцијата. Крајот на јануари односно почетокот на февруари партиска конвенција ќе пречесе со кој кандидат ќе влезе во борба за претседателската фотелја.
- „Списокот ќе биде намален во периодот што следи и очекуваме да имаме јасна претстава кој кандидат ќе биде идниот претседател на Македонија, бидејќи сум убеден, а тоа го говори и јавното мислење, дека претседателскиот кандидат кој ќе биде поддржан од ВМРО-ДПМНЕ во првиот круг ќе има најмалку 100.000 гласа повеќе од претседателскиот кандидат на СДСМ. Затоа сум загрижен дека ќе има демотивација кај СДСМ и кај нивните коалициски партнери кои се дел од албанскиот блок. Се плашам дека тоа може да нѐ воведе во уставна и во политичка криза поради неисполнување на цензусот“ – истакна Мицкоски.
Стравувајќи од уставна криза, Мицкоски апелира да се одржи лидерска, и кога таа средба и да се случи би одел за да ги аргументира ставовите на опозциијата, но и да се фиксираат датумите за претседателските и за парламентарните избори.
