Мечка нападнала човек кај Македонски брод, ловџии го спасувале

Се оствари сценариото од кое стравуваа и за кое постојано алармираа жителите на западна Македонија. Вчера мечка нападна возрасен човек помеѓу с. Пласница и Ораоец, општина Македонски брод. За среќа го спасиле ловџии кои случајно се нашле блиску до местото на инцидентот бидејќи биле на лов. Откако слушнале повици за помош ловците испукале неколку истрели во воздух, мечката побегнала, а нападнатиот човек кој бил видно преплашен, се спасил, но се здобил со тешки телесни повреди.