Советот на Општина Битола донесе одлука за бесплатно користење и паркирање на јавните паркиралишта на ЈП „Паркинзи“ за лица со аутистичен спектар.
Повластената паркинг карта може да ја користат на паркинг зоните Б1, Б2, Б5, Б7, Д1, Х1, А8, А10 и А2, одлучија битолските советници.
Од Општина Битола информираа дека картичката е со важност од една година и се издава на барателот по претходно поднесено барање, таа не е пренослива на други лица, односно не може да ја користат други лица или други возила и е со важност од една година. Повластената паркинг карта се издава на физички лица кои се со регистрирано живеалиште или престојувалиште во Општина Битола, се издава само за едно патничко моторно возило и е поддршка за лица со попреченост и нивните семејства, односно за родители на деца со аутизам.
ЈП „Паркинзи“-Битола неодамна завршија со обележување на паркиралиштата во градот, а во тек е изградба на нов паркинг во местото викано „Овчи Пазар“.
