Првиот човек на Центарот за управување со кризи, Стојанче Ангелов бара поголема ажурност од полицијата која спие,наместо да ги открива подметнувачите на пожарите кои беснееле изминативе 4 месеци. Тој кажа дека од месец јуни до средината на овој месец во државава се регистрирани 2018 пожари на отворено,што значи секојдневно горело на 15-тина различни локации. Поголем дел од пожарите биле опасни и во нивното гаснење интервенирале и воздухоплови.
“Наша работа, односно работа на пожарникарите е да ги гаснат,а работа на МВР е да ги открива сторителите.За жал, оваа година од јуни до сега имаме 2018 пожари на отворено,а од страна на МВР се поднесени само 20 кривични пријави против сторители ,потпалувачи на овие пожари”- вели Стојанче Ангелов,директор на ЦУК.
И додека сторителите на пожари поминуваат неказнето,Македонија се соочува со недостатокот на пожарникари.Ако европските земји како Хрватска,Словенија или Австрија покрај професионалните располагаат со 100 до 350.000 доброволни пожарникари,нашата земја има нешто повеќе од само 200 активни пожарникари и 10 доброволни пожарникарски друштва кои немаат соодветна опрема и голораки се справуваат со пламените јазици,а располагаат со само 5 противпожарни возила.
“Само 5 во државата од вкупно 10-тина ,15-ет друштва,останатите учествуваат на интервенции, ама учествуваат само со лична заштитна опрема и прирачни сретства како нараменици, метли за гаснење на шумски пожари, некоја пумпа, имаат некој агрегат.Ама тоа е тотално незадоволнително за да се исполнат сите тие критериуми кои се бараат од нас за да ги заштитиме луѓето и природата.Споредбено со другите држави ситуацијата е застрашувачка, дури не можеме да направиме соодветна паралела”-вели Кирил Михајлов,доброволен пожарникар
И таа опрема што ја имаат доброволните пожарникари ја добиле преку странски донации оти како што велат,немаат никаква поддршка од државните институции.
“Невозможно е со било колкав број, дури и со голем број професионални пожарникари,на адекватен начин да го покријат секој дел од државата.Мора да дојде за 15 минути,а не за 2 или 3 часа пожарникар на кого не му пише на челото или на кацигата дали е професионалец или доброволец.Централните и локални власти мора да разберат дека мора да ги заштитат своите граѓани на адекватен начин”-вели Стјепан Ковачек-доброволен пожарникар од Хрватска
Државата мора да го промени законот за пожарникарство донесен во 1968 година,кој иако претрпи измени во 2017-та,не ги задоволува потребите на противпожарните друштва.Македонија во изминативе 32 години не направи речиси ништо за доброволните пожарникари кои се снаоѓаат како знаат и умеат.
Росица Голабоска
