Десетеци загинати, стотици повредени, илјадници исчезнати под урнатините. Уништени домови, паника, страв од неизвесноста по двата разорни земјотреси кои ја потресоа Венецуела.
„Ова е најсилниот земјотрес кој некогаш сум го почувствувала. Беше многу силен. Никогаш не ни се скршило некогаш при земјотрес. Сите чаши, падна се“, вели една жителка.
Првиот разорен земјотрес, со јачина од 7,2 степени, ја погоди земјата вчера навечер по локално време, а само 39 секунди подоцна следеше уште поразорен земјотрес од 7,5 степени. Потресите се случиле во момент кога се славел национален празник, па голем број граѓани во тој период биле дома.
„За среќа во моментот на потресот бевме надвор од зградата, кога се вративме видовме дека е потполно уништена“, изјави жител.
„Бев во кујната кога почна да се тресе, беше страшно“, кажа друга жителка.
„Кога се симнавме пред зградата, насекаде околу нас имаше облак од дим, ништо не видовме, глетка како од хорор филм“, сведочи граѓанка.
Владата веднаш прогласи вонредна состојба, а телефонските линии и снабдувањето со електрична енергија беа прекинати во градовите. Аеродромите во земјата се затворени, а видeo снимки од главниот аеродром Симон Боливар сведочат за хоророт на патниците:
Светските лидери изразуваат длабоко сочувство и поддршка до народот на Венецуела. Понуди за помош пристигнуваат од сите страни.
Спасувачките екипи се во трка со времето и прават очајнички обиди да ги извлечат луѓето и животните под рушевините, бидејќи во вакви моменти секоја минута може да направи разлика меѓу живот и смрт. Според Геолошкиот завод на САД, постојат околу 30 проценти веројатност конечниот број жртви да надмине 100 000 и можност државата да се соочи со хуманитарна криза од невидени размери.
