Судство, обвинителство, пресуди, корпција – Брисел утре треба да ја соопшти својата оценка до каде напредувала Македонија во однос на владеењето на правото. Очекувањата се дека европкста комисија ќе изрази задоволство од постигнатото, но секако ќе има критики во однос на судството. Позитивната оценка секако би се потпирала на фактот што Македонија има спроведено цели 50 отсто од Планот за раст на ЕУ и тоа е охрабувачки резултат.
Отприлика имаме 50-тина отсто исполнетост од планот за разст што е задоволително, но може и многу подинамично и побрзо, особено што на почетокот се доцнеше, но извештајот ќе нотира задоволство барем од таа реформска динамика што се зголеми во изминатата половина година и од крајот на минатата, изјави за Алфа ТВ, Марко Трошановски, претседател на Социетас цивилис.
Забелешни во извештајот се очекувани во делот на судството, иако во меѓувреме се донесени законски решенија кои се во согласност со европското законодавство, а завршен е и значителен дел од реформите во правосудниот систем. Главните забелешки речиси сигурно ќе бидат неефикасноста, селективноста и се уште присутната партизација во судството, а секако дека од Европската комисија нема да заборават ниту на борбата со корупцијата.
Во делот на корупцијата очекувам да се констатира постоење на системска корупција во различни сектори, како и недоволни резултати во борбата со високата корупција. Иако и тука имамвме чекори, позитивни би рекол, на обвинети високи функционери, но бидејќи процесите не се завршени, тоа прави сомнеж дали борбата со корупцијата е целосно посветена, вели Трошановски.
Пред неколку дена, премиерот Христијан Мицкоски посочи дека МАкедонија е најнапредната земја во регионот, кога е во прашање реформската агенда на европската Унија.
