Ниту една природна или човечка катастрофа која се случила во последните две години во Македонија, не поминала без обид за остварување на политички поени од страна на опозициската СДСМ. Така е и во случајот со загадувањето на водаата за пиење во градскиот вододовод во Гостивар, кога нападите на опозицијата се вперени во власта, иако гостиварскиот градоначалник Валбон Лимани е од редовите на коалицијата на ДУИ.
Аналитичарот Џенур Исени вели, дека загадувањето на водата во гостиварскиот водовод е сериозна закана за јавното здравје на граѓаните и не би смеела да биде искористена како алатка за дневно-политички пресметки помеѓу партиите.
–Кога граѓаните се соочуваат со проблеми со нивното здравје тогаш треба да се дојде до утврдување на фактите, а не да се влезе во политичко профитирање. Локалното јавно претпријатие има целосни надлежности за функционирање на системот, а централната власт има надлежност да обезбеди истрага и навремено да ја информира јавноста – вели Исени..
Исени е дециден и дека не смее да дојде до политизација на надлежностите, а за сите обвинувања од опозицијата би требало да се понудат соодветни докази.
–Во една правна држава одговорноста не се сведува на прес конференции, туку преку независна судска постапка, а ако се докажат злоупотреби, апсолутно е дека секој треба да сноси одговорност, смета тој.
Аналитичарот смета дека сега е време да се започне со ревизија на целокупниот систем на водоснабдување во Македонија, како и обезбедување на поголеми инвестиции за унапредување на инфраструктурните капацитети на единиците од локалната управа.
