Изјава на пратеникот на ВМРО-ДПМНЕ, Бране Петрушевски:
„СДСМ го зароби обвинителството преку главниот обвинител Коцевски, не одговараат затоа што го држат на функција.
Главниот обвинител Коцевски е кукла во рацете на СДСМ, тој таа улога сам си ја избра во моментот кога не си поднесе сам оставка, и чекаше СДСМ да му дадат сламка за спас во Собранието.
Главниот обвинител Коцевски доби црвен картон во Собранието со изгласаната интерпелација, и наместо да покаже одговорност и да си поднесе оставка, тој избра по секоја цена да седи во удобната фотеља и да ги штити СДСМ од одговорност.
Главниот обвинител Коцевски не може да каже дека не знаел во каква игра влегол, ниту да каже дека бил наседнат, многу свесно ја презема улогата на заштитник на криминалите на СДСМ.
И сосема е јасно зошто година ипол нема ниту еден завршен случај за фукционери од СДСМ кои 7 години ја крадеа државата.
Штетата која главниот обвинител Коцевски и СДСМ ја прават врз правосудството е огромна, со уништување на секаква доверба и интегритет. Одговорноста за ова мора да сносат.“
