🎥 Михаилов: Пожарот во Слупчане е стаен под контрола

Пожарот што денеска избувна во боровата шума над селото Слупчане, општина Липково е целосно локализиран и ставен под контрола. Во моментов екипите работат на негово целосно догаснување, изјави заменик-директорот на ЈП Национални шуми Кирил Михаилов.

За кратко време овој пожар целосно ќе биде изгаснат. На неколку километри од тука кај селото Лојане, изби пожар кој се закануваше да биде опасен. Исто и тој е ставен под целосна контрола и се работи на негова елиминација“, изјави Михаилов.

Претходно директорот на ЦУК информираше дека во акцијата беа ангажирани 10 припадници на „Национални шуми“ – подружница Куманово со две специјализирани возила за гаснење шумски пожари, Противпожарната единица од Куманово со едно возило и месното население.

ЦУК наведува дека директорот Али е на терен, ја координира целата акција за гаснење и ги следи активностите на сите ангажирани екипи.