Во овие претопли летни денови кога здравјето на граѓаните е нарушенo поради превисоките температури зголемен е и бројот на повици за домашни посети како и прегледи во Службата за итна помош која работи во склоп на ЈЗУ Здравствен дом Велес. Како што информира д-р Сања Мишева од оваа служба, во изминатите денови и денеска имале зголемен број на пациенти со цревни заболувања, повраќања и проливи. Воедно имале и зголем број на пациенти – деца со зголемена телесна температура.
Таа апелира до граѓаните да внимаваат на храната како ја чуваат и како ја подготвуваат и да одбегнуваат тешка и мрсна храна, а да употребуваат многу овошје изеленчук кое убаво ќе го измијат пред употреба. Воедно им препорачува и посебно да внимаваат од каде консумират брза храна како хамбургери и хот дог поради потенцијалната опасноста од труење со храна. Посебно да избегнуваат мајонези и други додатоци од кои некои се подготвуваат во домашни услови, па постои поголема опасност од труење со салмонела. 
Д-р Мишева информира дека и оваа лето во нивната служба имале голем број на пациенти кои побарале итна помош поради убоди од оси, пчели, стршлени, чкрапла и други инспекти, како и од крлежи, кои исто така ги има во зголемем број ова лето, при престој во природа и на плажите.
Таа им препорачува на граѓаните навремена заштита од секаков вид на инсекти со препарати за заштита од инсекти и крлежи.
На оние кои се алергичните од убоди на оса и пчела како превентивна заштита им порачува навреме да земат неопходна терапија за заштита или веднаш по убодот од оса и пчела да побараат итна медицинска помош од нивната служба при ЈЗУ Здравствен дом Велес.
