Заврши поставувањето на првиот асфалтен слој на вториот дел од патниот правец Отовица – Сојаклари, со што реконструкцијата на оваа значајна делница продолжува со засилена динамика. Овој патен правец е во непосредна близина на езерото „Младост“ кај Велес.
Како што информираат од Општина Велес, по завршувањето на овие зафати ќе следи поставувањето на вториот асфалтен слој, со што жителите и сите кои секојдневно транзитираат на овој патен правец ќе добијат целосно обновен и побезбеден пат.
Средствата за реализација на проектот Општина Велес ги обезбеди во соработка со Владата и Министерството за транспорт.
Од Општина Велес потенцираат дека рамномерниот развој на секој дел од општината останува нивни приоритет.
