Христијан Мицкоски и ВМРО-ДПМНЕ со убедливо највисок рејтинг во Македонија, СДСМ и Ковачевски паднаа на третата позиција на македонската политичка сцена, втори најпопуларни сега се Али Ахмети и ДУИ, покажува најновата анкета на Маркет Вижн спроведена за порталот МКД.мк.
Со 12,3 проценти доверба кај граѓаните Мицкоски има речиси три пати повисок рејтинг од Ахмети, кој има 3,7 и Ковачевски кој има 3,5 проценти, четврт е Димитар Апасиев со 3,1 проценти, додека сите други се под 1 процент.
Кога е партискиот рејтинг во прашање најголема доверба со 25,1 проценти има ВМРО-ДПМНЕ, втори се ДУИ со 9,7 , додека СДСМ има 9,5, Левица пак има 7,1. Следуваат Алијанса со 3,1 и Беса со 2,5 проценти. Еден или над еден процент имаат уште Движето на Максим Димитриевски и Демократското движење на Албанците.
14 проценти од граѓаните сметаат дека ВМРО-ДПМНЕ ќе спроведен најдобра економска политика, додека за СДСМ тоа го мислат само 5,4, а за ДУИ само 4,4 проценти.
Премиерот Ковачевски е политичар со најголем пад на довербата од сите политичари. Ако неговиот рејтинг во февруари бил 8,2 проценти, а во јуни 6,1, во септември има доверба од само 3,5 проценти. Од македонскиот политички блок сите политичари се со пад во рејтингот во овој период, освен лидерот на опозицијата. Мицкоски во февруари имал доверба од 11 проценти, војуни 12, додека во септември 12,3 проценти.
Анкетирањето е спроведено телефонски од 18 до 25 септември година, на примерок од 1200 испитаници со интервал на доверба од 95% и маргина на грешка +-3%..
Матеја Петровски
