Денеска во Палатата на Обединетите Нации во Женева се одржува свеченост по повод денот на независноста на Македонија, во организација на постојаната мисија во ООН и Македонскиот национален совет од Швајцарија. Пред амбасадорите и дипломатите ќе бидат промовирани македонските храна, вино и фолклор. Настап ќе има културно – уметничкото друштво Свети Наум Охридски од Тринген, а ќе биде прикажана и видео презентација со убавините на земјава со наслов „Македонска љубовна приказна“.
