Како била изнесена опремата од електровлечната станица од Драчево и каде завршила? Како успеале крадците да ги превртат претешките трансформатори? – Одговорите треба да ги даде полицијата, која работи на расчистување на тешката кражба.
Со кражбата е предизвикано уништување на значаен дел од електроенергетската опрема на железничката инфраструктура. Насилно биле превртени два големи трансформатори, секој со тежина од над 30 тони.
Од нив било испуштено и истурено трансформаторското масло, а бакарните намотки и останатите вредни компоненти биле украдени. Од подстаницата биле одземени и бакарни жици, бакарни шини и прачки. Надлежните се сомневаат дека се работи за организирана криминална група.
Според „Македонски железници “не станува збор за обична кражба и случајот го оценуваат како сериозен напад врз железничката инфраструктура. Бараат итна и темелна истрага. МВР работи на расветлување на настаните.
„Вчера во 14 часот и 25 минути, во секторот за внатрешни работи Скопје, пријавено е дека во електрична подстаница Драчево, сопственост на Македонски Железници, во изминатите 6 месеци од страна на непознат сторител извршена е тешка кражба, при што уништена е електроенергетска опрема и одземен е бакар. Се преземаат мерки за расчистување на случајот.“, вели Гоце Андреевски, портпарол на МВР.
И покрај големата штета градскиот воз стартува ќе стартува од 1-ви септември., Планираниот железнички сообраќај нема да биде доведен во прашање, порачува вицепремиерот Николоски. Ќе продолжи и редовниот карго железнички сообраќај на Коридорот 10, кој носи најголеми приходи за железницата, како и патничките линии кон Велес, Гевгелија, Прилеп и Битола.
„Сакам да ги информирам граѓаните дека:Градски воз ќе има! Ветивме од 1ви Септември и од 1ви Септември ќе оперира!Редовен карго сообраќај на Коридор 10 кој носи најмногу приход на Железници ќе има!Патнички возови ќе има!Убеден сум дека со брзата реакција на МВР крадците ќе бидат пронајдени и ќе одговараат.“, изјави Александар Николовски, министер за транспорт.
Според првичните проценки направена е штета од околу пет милиони евра.