По десет месеци без директна средба, шефовите на дипломатиите на САД и Русија, Марко Рубио и Сергеј Лавров повторно седнаа на иста маса. Средбата што се одржа на маргините на министерскиот состанок Азискиот самит во Манила, траеше нешто повеќе од половина час, а во фокусот беше војната во Украина.
Лавров на својот американски колега му нагласи дека е неприфатливо да се продолжи со испраќање оружје до режимот во Киев и ја осуди дестабилизирачката политика на европските земји кои ,,продолжуваат да се обидуваат да и нанесат стратешки пораз на Русија”. Лавров ја повтори подготвеноста на Москва за политичко и дипломатско решение на конфликтот, но истовремено ги истакна руските позиции за условите за мировен договор.
Рубио изјави дека САД остануваат подготвени да помогнат во изнаоѓање решение за војната, но нагласи дека за напредок е потребен пат што ќе биде прифатлив и за Киев и за Москва.
