Апелација ја потврди ослободителната пресуда во случајот „Талир 2“, со што практично ВМРО-ДПМНЕ како партија си ја враќа тапијата за партиското седиште, кое беше замрзнато со години.
„Апелациониот суд Скопје, во интерес на јавноста и медиумите, информира дека, постапувајќи по кривичниот предмет во јавноста познат како „Талир“, по одржана нејавна седница, разгледување на списите на предметот, а имајќи го предвид и предлогот на Вишото јавно обвинителство Скопје, донесе пресуда со која жалбата на Основното јавно обвинителство Скопје ја одби како неоснована и ја потврди пресудата на Основниот кривичен суд Скопје.
Инаку, предметот го отвори поранешното Специјално јавно обвинителство, а по неговото згаснување го презеде Основното јавно обвинителство Скопје. Главен обвинител во случајот беше контроверзната обвинителка Ленче Ристоска. Ослободителната пресуда беше донесена на 14 јули. Обвинителството се жалеше до Апелација, но второстепениот суд ја оценил жалбата како неоснована.
ВМРО-ДПМНЕ со години тврдеше дека станува збор за политички монтиран процес.
