Денес, почнавме историски проект за земјата, изградбата на втората фаза од автопатот Скопје – Блаце, во должина од 10,5 километри, кој уште повеќе ќе ја поврзе Македонија со Косово и регионот – се вели во соопштението од „Вреди“.
По повеќе од две децении чекање и ветувања, овој проект, конечно, станува реалност. Со инвестиција од над 198 милиони евра, автопатот ќе има 5 тунели, 8 моста, 11 потпатници и 4 галерии, создавајќи модерна, побрза и побезбедна врска кон Косово, а понатаму и кон јадранските пристаништа.
За „Вреди“, ова е повеќе од пат. Тоа е поврзување на луѓето, семејствата, бизнисите и економиите, како и конкретен чекор кон европската интеграција на земјата.
Скопје поблиску до Приштина, граѓаните поблиску едни до други, Македонија поблиску до Европа.
Ова е резултат на владеење кое ветува помалку, а работи повеќе, претворајќи ги стратешките проекти во конкретни дела.
Со „Вреди“, работата се гледа, резултатите остануваат.
