Градоначалникот на Дебар, Фисник Меља, изврши увид во тековната реализација на неколкуте поекти, насочени во подобрувањето на патната инфраструкура, наведувајќи дека истите „не запираат ниту за време на викендот и продолжуваат со засилена динамика“.
„Со задоволство можам да информирам дека заврши асфалтирањето на улицата „Фуад Дибра (поранешна 1 Мај)“ а работите се насочени кон финализирање на улицата „Миѓени“(ЈНА), една од најважните сообраќајни врски што го поврзува горниот, односно стариот дел на градот, со центарот и останатите населби. Со несмалена динамика се рабори и на изградбата на булеварот во населбата Венец2 “, објави Меља.
Додава дека Дебар продолжува да бележи напредок во модернизацијата на патната инфраструктура, а градежните активности се одвиваат со несмалено темпо и за време на викендот, со цел проектите што поскоро да биде завршени и ставени во функција на граѓаните.
„Асфалтирањето на улицата „Миѓени“ ќе придонесе за побезбедно одвивање на сообраќајот, полесно секојдневно движење и значително подобрување на условите за сите учесници во сообраќајот. Континуираните инвестиции во инфраструктурата се важен чекор кон понатамошниот развој и модернизација на Дебар. Продолжувањето на работите и за време на викендот претставува показател за посветеноста проектите да се реализираат во најкраток можен рок и граѓаните што побрзо да ги почувствуваат придобивките, посочува градоначалникот.
Со вакви инвестиции, нагласува, Дебар продолжува да гради современа и функционална инфраструктура, потврдувајќи дека развојот на градот и подобрувањето на квалитетот на животот на граѓаните остануваат меѓу најважните приоритети.
