„Македонија – духовната порта на христијанството во Европа“ ќе биде темата на дискусија во рамки на третото издание на јавната интелектуална платформа „Гласот на вечноста“ што во организација на „Глобалната Македонска Фондација Вечна“ денеска ќе се одржи во Охрид.
На настанот меѓу другите најавено е учество на поранешниот претседател д-р Ѓорге Иванов, проф. д-р Ратомир Грозданоски, проф. д-р Александар Атанасовски и отец Оливер Новески.
Организаторите посочуваат дека целта на платформата е отворање простор за јавна интелектуална дебата за историски, духовни и културни теми поврзани со македонското наследство.
„Глобална Македонска Фондација Вечна“ е основана со цел да го зачува и промовира богатото културно наследство на Македонија, нејзината историска важност и образовните иницијативи. Како глобална платформа, фондацијата се стреми да ги поврзе Македонците ширум светот и да ги слави заедничките вредности и традиции кои ја дефинираат нашата уникатна идентичност.
Интелектуалната трибина што ќе биде збогатена со соодветна културна програма ќе се одржува во Центарот за култура „Григор Прличев“ со почеток од 18:30 часот.
