А временската прогноза не е ветувачка. Според УХМР, времето деновиве ќе биде променливо облачно со сончеви периоди, но се очекува да има и локална нестабилност со пороен дожд, грмежи, засилен ветер и услови за изолирано невреме со појава на град.
Ќе дува слаб до умерен, а долж Повардарието повремено и засилен ветер од северен правец, некаде со брзина од повеќе од 60 км на час. Во Скопје времето ќе биде постабилно, но во делови од котлината можно е да има појава на нестабилност со пороен дожд, грмежи и засилен ветер.
Во наредните денови, особено од петок, под влијание на серија влажни и нестабилни воздушни маси, времето ќе биде променливо облачно и наместа нестабилно со пороен дожд и грмежи. Локално процесите ќе бидат во форма на краткотрајно невреме проследено со силен ветер и изолирана појава на град. Поради продор на постудена воздушна маса од север, температурата значително ќе се намали под просекот за јули.
