Водно беше гола планина. Во минатото се случувало голема маса на вода и земја да се спуштаат низ падините и стигнувале до околните населби нанесувајќи материјална штета и доведувајќи ги во опасност животите на граѓаните.
Со цел да се заштити градот и жителите од ерозија, Водно интензивно неколку децении е пошумувано. Сега, за интересите и апетитите на неколкумина, треба да се уништи она што со генерации се правеше и одржуваше, се вели во соопштението од ЗНАМ.
Предлог ДУП-от за Градска четврт Барутана се простира на 6,9 хектари. Оваа површина за да се уреди за градење треба да се исечат многу дрва и повторно да се донесе во ризик имотот и безбедноста на граѓаните.
Затоа, советниците на Движењето ЗНАМ – За наша Македонија во Општина Центар се противат на предлог ДУП-от за Барутана и бараме тој да не се прифати во предложената форма и детално да се ревидира.
