Застрашувачи се сведоштвата на жителите од ресенското планинско село Крушје кои 3 децении се гушат во неподнослива миризба и чад кој содржи најканцерогени материи, а се спушта од нестандардната дива депонија Буково.Со педесетина жители,Крушје е првото село од ресенско кое е најблиску до депонијата.Во деновите кога гори,велат гладот за воздух е неиздржлив.
“Сабајлето кога ќе станевме прст пред око не се гледаше верувајте дека сите луѓе во селово се разболени од белите дробови.Остај тоа разболени сме секако, години чади,но ланската година е посебна.Сите производи што ги произведуваме, се’ беше контаминирано.Се’ исфрливме никој ништо не употреби.Стави го производот во вода, црна вода излегуваше; – Те брка со сила да си бегаш од родното место,секој ден чад, секој ден смрдеа.Алиштата ги периш ги закачуваш,од бели се прават црни.Бетар од Скопје сме,во Скопје велат загадено е ама кај нас е позагадено, ако живееме на 1090 м.нв; – Сливот од Црн врв,водата што тече има течени и кон Охрид има течение и кон селово,два извори се каптирани за Ресен водата се загадува и едната другата”
Граѓанските активисти притискаат час поскоро да се изгради регионалната депонија во Новаци.
“Oва е важно затоа што доколку не постои регионалната депонија, Буково нема да може да влезе во процес на санирање и реанимирање. Дваесет проценти од населението во Македонија умира од аерозагадување кое што се софпаѓа со проценка од 133 до 140 луѓе во Охрид “-вели Драгана Карашова –“Збогум Буково”
Oтворање на регионалата депонија во Новаци која чини околу 34 милиони евра е процес кој ќе трае најмалку 3 години.Градоналаникот на Новаци не дозволуваше нејзина изградба, доколку државата не изгради обиколница која ќе води до неа,а тоа не се прави преку ноќ.Тој кажа дека до овој момент е донесена одлука за формирање на регионално претпријатие во Новаци за што се чека амин и од сите 18 општини од пелагонискиот и југозапданиот плански регон. Во меѓувреме Општина Охрид во Буково ќе поставува видео надзор,ќе ја оградува и осветлува депонијата која е покриена со 4.700 метри кубни земја.
