Земјотрес во централниот дел на Филипини, 60 загинати

Најмалку 60 лица загинаа, а повеќе од 140 се повредени во силен земјотрес со јачина од 6,9 степени по Рихтер во централните Филипини, а официјалните лица стравуваат дека бројот на жртви може да се зголеми додека спасувачите ги пребаруваат урнатините на зградите утрово. Земјотресот го погоди брегот на градот Бого во покраината Себу, една од најпопуларните туристички дестинации на Филипините, која е дом на 3,4 милиони луѓе.