Украинскиот претседател Володимир Зеленски утре заминува за Вашингтон, каде во Белата куќа ќе се сретне со американскиот претседател Доналд Трамп. На маса ќе бидат ставени можните решенија за ставање крај на војната во Украина и обезбедување трајни безбедносни гаранции.
Средбата доаѓа само неколку дена по самитот во Алјаска, каде Трамп и рускиот претседател Владимир Путин се обидоа да дојдат до прелиминарен договор за прекин на конфликтот. Зеленски денеска беше во Брисел, каде што се сретна со претседателката на Европската комисија, Урсула фон дер Лајен, со која го координираше заедничкиот настап пред Вашингтон.
Во американската престолнина, покрај Зеленски и Фон дер Лајен, ќе учествува и европската „тешка артилерија“ – францускиот претседател Емануел Макрон, германскиот канцелар Фридрих Мерц, британскиот премиер Кир Стармер, италијанската премиерка Џорџа Мелони, финскиот претседател Александар Студ, како и генералниот секретар на НАТО, Марк Руте. Консултациите меѓу лидерите се одвиваат веќе два дена преку видеоврски, во пресрет на важната средба.
