Кончено крај од потребата на куп од медицински документи за пацинетите и лекарите. Полните папки со наоди, снимки, извештаи, упати и рецепти ќе станат минато. Здравството во Македонија е на пат целосно да се дигитализира. Медицинските податоци ќе бидат електронски достапни и за лекарите и за граѓаните, така што пациентот нема повеќе да мора да трча да собира документи од една во друга врата, во различни болници и клиники, па потоа со целата папка да оди на трето место. Од матичен лекар, кај специјалист, во болница, лабораторија или аптека сите потребни информации ќе се пренесуваат електронски. Според докторите, ова е олеснување и за нив, но и за пацинетите. Дигиталните податоци ќе значат побрз увид во претходните прегледи, терапии и резултати. За граѓаните помалку шетање и чекање.
Новата Стратегија за дигитално здравство 2026–2030 треба да донесе и пократко чекање за прегледи и дијагностика.
Преку порталот „Мое здравје“ граѓаните ќе можат електронски да ги следат своите здравствени податоци, термини и рецепти, а предвидени се и лекарски консултации на далечина.
Дигитализацијата отвора и можност за телемедицина, особено за хронично болните и граѓаните од руралните средини..целта е болестите да се откриваат навреме.
Електронското здравство со години се најавува, но никако целосно да се спроведе. Засега, најактуелни алатки за користење се „Мое здравје“, „Телемедицина“, и „Е-рецепти“.
