По повод завршувањето на проектот „Месеци на практикантство“ денеска ќе се одржи завршен настан на кој ќе се обратат Бобан Стефковски, градоначалник на Општина Гази Баба и Даниела Димовска, директорка на Агенцијата за иновации, научно-технолошки развој и претприемништво – ИНОВА.
Во рамки на настанот ќе се одржи разговор со студентите кои ја реализираа практичната работа во своите матични општини, како дел од иницијативата реализирана во соработка со ИНОВА и Министерството за локална самоуправа.
-Преку практикантството, студентите имаа можност да стекнат директно работно искуство, да се запознаат со функционирањето на локалната самоуправа и да ги применат своите знаења во реална работна средина, велат од ИНОВА.
На завршниот настан ќе бидат споделени нивните искуства и впечатоци, како и значењето на практикантството за нивниот професионален развој и идното вклучување на младите во локалната заедница.
