Ноќниот живот во Македонија замре. По трагедијата во клубот Пулс, веќе една година дозвола да работат имаат само 7 дискотеки, на територијата на целата држава. Засилени се инспекциските надзори, изречени се голем број глоби, затворени се сите т.н. дискотеки и кабаре ноќни барови кои не ги исполнуваат условите за работа.
За само неколку месеци по кобниот 16 март 2025 година, институциите, иако десеткувани покажаа дека знаат како да ја завршат работата.
Со само 13 инспектори, Дирекцијата за заштита и спасување успеала да изврши над 1300 инспекциски надзори за девет месеци лани, од кои дури 800 вондредни по пријави на други институции и 500 редовни. 80 правни лица се казнети од ДЗС, и издадени се 35 решенија за забрана за работа.
Од она што се смени, можам да кажам дека е донесена нова методолгија за проценка на ризик кај објектите на надзор, при што се класифицирани во бјексти на низок, среден и висок ризик и врз оснва на ризикот ќе бидат планирани инспекциските надзори, изјави Живко Ставрески, помошник на директорот на ДЗС.
Од Државниот пазарен инспекторат соопштувааат дека во текот на 2025 година извршиле 4432 надозри, а издадени се 1792 прекршочни налози и издадени се 162 решенија за привремена забрана за работа. Во 2024 година, овој број на постапувања бил за десет пати помал.
По трагедијата, министерството за економија и труд, задолжително доставува барање за утврдување на условите од Државниот пазарен инспекторат, и останатите надлежни институции секој во својата област и надлежност излегува на терен и доставува одговор до министерството во рамки на своите надлежности, соопштија од ДЗС.
По кобната вечер во Кочани, наеднаш продавниците кои продаваат ПП опрема останаа без залихи. Секој објект, тогаш побрза да купи опрема за да ги исполни минимално техничките услови за заштита од огнена опасност. Но, желбата за заштита од пожари траеше кратко. Денес противпожарни апарати има во избилство, а купуваат само тие што законски се обврзани. Трагедијата беше повод да се размрда и општеството. Државните институции велат дека трагедијата ја зголеми координацијата. Иако имаат ограничени ресурси, сепак успеваат да направат доволен број надзори за да се спречи нова трагедија. Од пазарниот инспекторат соопштија дека согласно годишниот план за 2026 година, а врз основа на проценка на ризик предвидена е минимум една инспекциска контрола годишно во угостителските објекти кои подлежат на лиценца како што се дискотека, ноќен клуб или кабаре.
