Заменик министерката за животна средина и просторно планирање, Ане Лашкоска денеска престојувла во Радовиш каде се сретнала со градоначалникот Љупче Почивалец, кој за посетата информираше преку својот фејсбук профил.
Лашкоска и Почивалец разговарале за реализацијата на тековните и планираните инфраструктурни проекти, како и за можностите за унапредување на соработката помеѓу Министерството и Општина Радовиш.
-Во фокусот на разговорите беа два значајни инфраструктурни проекти за нашата општина: изградбата на фекалната и атмосферската канализација во Урбан блок 15 во Радовиш, како и реализацијата на третата фаза од проектот за уредување на речното корито на Ораовичка Река – објави Почивалец.
За време на посетата, Лашкоска и Почивалец извршиле и обиколка на локациите предвидени за реализација на проектите, при што се запознале со состојбата на терен и планираните активности.
Градоначалникот посочи дека средбата поминала во пријатна и конструктивна атмосфера, со заедничка подготвеност за продолжување на соработката и преземање конкретни чекори за реализација на планираните проекти.
