Министерството за образование и просветниот инспекторатќе го проверуваат начинот на кој се делеле дипломи на државите универзитети, каде меѓу другите преку ноќ се описмениле и многу поранешни функционери.Стегајќи го обрачот околу високообразовните институции,на адреса на просветните инспектори како и вработени во министерствотото стигнале и закани.За ова Алфа уште една се обиде да добие одговор,но од ресорното министерство не откриваат кој се дрзнал да им прети и да ги заплашува и дали за случајот е информирана полицијата ?
„Заканите кон вработени во МОН се упатени по извршени надзори на високообразовни и научни установи. Јавно се предупредени раководствата на установите и при следна ваква ситуација, ќе бидат известени надлежните институции“ – Министерство за образование
Она што може ДПИ да го направи со многу малку чесни и стручни инспектори,го прави истакна Јаневска на последната седница за пратенички прашања,што само по себе го наметна прашањето дали во државава има недостаток од просветни инспектори?
„Во Државниот просветен инспекторат работат 49 инспектори, а согласно систематизацијата на работните места, предвидени се вкупно 63. Недостасуваат и тројца раководители на сектори, од вкупно 5. Еден инспектор е вработен во 2023 година, а претходно 7 вработувања имало во 2018 година“ – Министерство за образование
Инаку, паднаа и првите отпуштања од работа на кадри кои ги образувале идните академци со неправилно стекнати звања.До сега се затворени и 6 научни иститути кои не нуделе никаква дејност и образование.Ресорната министерка не попушта, онаму каде што ќе се откријат недоследности во работењето ќе сносат последици,а дел од универзитетите ќе бидат затворени. Таа кажа дека еден од универзитетите за кој има многу пријави за нерегуларно работење е Меѓународниот универзитет во Струга кој беше делумна сопственост на Рамиз Мерко.Но од кајот на минатата година Мерко,односно неговиот најстар син, повеќе не е формален сопственик на универзитетот кој обезбедува дипломи за високо образование од 4 факултети:политички науки, информатички технологии,правни и економски науки.Иако владата да поништи одлуката за основање на факултетот за здравствени науки ,на сајтот на универзитетот сеуште стои.
Росица Голабоска
