Денеска пријавено е дека постар човек е заглавен во снежните наноси во својот дом во кочанското село Полаки, маало Бабиште, информираат од Центарот за управување со кризи.
Оттаму посочија дека е постапено по пријавата, во контакт се со братот на заглавениот човек, со цел да се изврши негова евакуација.
„Лицето ја одбива понудената помош со барање да се почека до утре“, велат од ЦУК. Селото Полаки е од разбиен тип, со куќи групирани по маала, оддалечени едни од други и по неколку километри.
