Општина Аеродром соопшти дека во текот на септември и октомври отстранила и дистрибуирала до депонијата „Дрисла“ 400 тони мешан отпад.
-Екипите на ЈП за комунални дејности на Општина Аеродром секојдневно се на терен, отстранувајќи кабаст отпад, градежен шут и отпад од дивите депонии и јавните површини. На располагање на граѓаните е услугата на Јaвното претпријатие на Општина Аеродром, за подигање отпад директно од нивните домови и негов правилен и безбеден транспорт до „Дрисла“ за симболичен надоместок, информира Општината.
Порачува граѓаните да не создаваат диви депонии и да ги користат достапните услуги.
-Работиме за почист Аеродром, но чистата животна средина е заедничка одговорност, додава општината во соопштението.
