Поддршката за малите бизниси и домашните претприемачи добива конкретна форма преку мерки кои директно помагаат во економскиот развој и зголемувањето на конкурентноста.
Mинистерството за економија и труд објави јавен повик со 11,34 милиони денари за микро, мали и средни претпријатија и занаетчии, преку кој ќе се кофинансираат до 40 проценти од трошоците за нови машини и алати, до 200 илјади денари по апликант, стои во соопштението на ВРЕДИ.
Истовремено, обезбедени се и 2 милиони денари за сертификација на стандарди во преработувачката индустрија, со поддршка до 70 проценти од трошоците, како и 5 милиони денари за заеднички проекти меѓу компаниите и универзитетите, со поддршка до 500 илјади денари по проект.
ВРЕДИ оценува дека овие мерки се во согласност со програмата за зајакнување на претприемништвото, семејните бизниси, иновациите и производствената економија. Инвестирањето во модернизација, стандарди и соработка меѓу бизнисот и академијата создава посилна основа за одржлив економски развој и нови работни места.
ВРЕДИ останува посветен на политики кои ја намалуваат бирократијата, ги поддржуваат претприемачите и создаваат поповолни услови за бизнисите, занаетчиите, младите и жените претприемачи.
