По долги години пауза, штипјани со организиран дочек за новогодишната ноќ. Подготовките се при крај, за шеталиштето „Ванчо Прќе“ ќе биде локацијата каде граѓаните во добра атмосфера ќе си ги поминат последните часови од оваа година. Предвидени се настапи на локални бендови,забава за најмладите, а ќе има можности да се служи храна и пијалоци.
„На шеталиштето „Ванчо Прќе“ на 31 декември после 20часот, Општина Штип, организира забава за дочек на Новата Година, со познати музички имиња и бендови од Штип. Ќе има богата музичка програма, а истовремено ќе има можност да се служи храна и пијалоци за посетителите“ изјави Иван Јорданов, градоначалник на Штип.
Годинава Штип, личи на вистинска новогодишна бајка. Санки, елени, ѕвездени неба..граѓаните коментираат дека вакво украсување на градот со цел да се почувствува новогодишната магија досега немало.
„Многу убаво е украсен градот. Вистинска магија. Многу е убаво што има и организиран дочек на шеталиштето“ коментираат граѓаните.
Речиси цел декември во Штип има новогодишна програма, а за прв пат се организира и Новогодишен базар.
Александра Ристевска
