Со првата Света архиерејска литургија на која чиноначалствуваше митрополитот Европски г. Пимен, вчера во Салцбург во присуство на бројни верници, свечено беше означено основањето на новата македонска православна црковна општина, која ќе функционира во рамките на Европската епархија на Македонската православна црква – Охридска архиепископија.
Новата македонска православна црковна општина во Салцбург ќе го носи името „Св. Архангел Михаил“, како свој духовен покровител и заштитник.
По Виена, Линц и Филах, ова е четврта македонска црковна општина во Австрија.
– Ова е историски и духовен почеток за македонската православна заедница во Салцбург. Новата црковна општина ќе биде место на молитва, љубов и заедништво, како и простор во кој македонските семејства ќе можат да го негуваат православното предание, македонскиот јазик и духовната поврзаност со Македонската православна црква. Во празничната радост по повод празникот Рождеството на Пресвета Богородица, во Салцбург започна нова страница од црковниот живот на македонските православни верници, се вели во објавата на Фејсбук страницата на Европската епархија.
Видеото може да го погледнете на следниот линк:
