Веќе втор ден трае блокадата на американската влада. Обвинувањата меѓу демократите и републиканците продолжуваат, а Белата куќа предупредува дека масовни отпуштања на федерални службеници се неизбежни и ќе следат во наредните два дена, обвинувајќи за политички игри.
Демократите инсистираат на гаранции за здравствена заштита, што беше и клучно за неуспехот на буџетскиот договор.
„Ако се толку загрижени за ефектот што ова го има врз американскиот народ – а треба да бидат – она што треба да го направат е повторно да ја отворат владата, а не да се жалат како ние реагираме“, изјави Џ.Д. Венс, потпретседател на САД.
„Ние сме отворени за дијалог – но ни требаат разумни републиканци за искрен договор за повторно отворање на владата и донесување буџет кој реално ќе го подобри квалитетот на живот на народот и ќе се справи со здравствената криза што ни ја наметнаа републиканците“, рече Хаким Џефрис, лидер на демократите во Претставничкиот дом.
Во петок се очекува ново гласање за краткорочен буџет.
