Во пратка со рози од Колумбија, пристигната на атинскиот аеродром, биле откриени 100 килограми кокаин, објави „Катимерини“, јави дописничката на МИА од Атина. По добиени информации од канцеларијата на американската ДЕА во Атина, службеници на Независната управа за јавни приходи ја откриле дрогата и уапсиле шест лица, од кои повеќето се албански државјани. Четворица осомничени биле приведени на аеродромот додека ја преземале пратката, а другите двајца биле уапсени во Источна Атика, каде што, според првичните сознанија, кокаинот требало да биде складиран. Во акцијата учествувале и полицајци од Дирекцијата за борба против организиран криминал.
