СДСM и ДУИ оставија зад себе правосудство во кое граѓаните не гледаат еднаквост пред законот, туку судство со двојни аршини. Инсталациите на СДСM и ДУИ во правосудните органи, за кубење коса судат четири години затвор, а за кражба на 150 ќебапи три години. Додека пак, кога се работи за тешки криминали и дела со смртни последици во кои постојат сомненија дека се вклучени лица од или блиски на СДСM и ДУИ, како што се Венко Филипче, Зоран Заев и блиски на Али Ахмети, одговорност нема, се вели во соопштението од ВМРО-ДПМНЕ.
Така за случајот Ласкарци, каде што загинаа 16 луѓе, за пожарот во модуларната болница во Тетово, каде живи изгореа 14 сограѓани, како и за криминалниот случај Мазут, тежок од 167 милиони евра, граѓаните со години чекаат правда, одговорност за никој нема.
Ова се двојните стандарди кои ја урнаа довербата на граѓаните во правосудството.
Кога треба да се испита одговорноста на моќни поединци и интереси поврзани со СДСM и ДУИ, постапките се одолговлекуваат, а одговорноста изостанува.
Правдата не смее да има партиска книшка, правосудството не може да биде заштитник и партиски бастион и упориште на моќниците од СДСM и ДУИ.
Времето на недопирливите моќници и на штетниците во правосудството инсталирани од Зајас и Струмица, треба и ќе заврши, како што заврши власта на СДСM и ДУИ.
Законот мора да важи еднакво за сите и правдата мора да биде еднаква и достапна за сите граѓани.
