Филипче, клонот на Заев, ја руинира СДСМ, историски дебакл на некогаш големата СДСМ. Дебаклот што се случи на локалните избори е знак дека СДСМ тоне во нивната ароганција, аздисаност и водење политики спротивно на интересите на народот, се наведува во соопштението од ВМРО-ДПМНЕ.
На локалните избори СДСМ освои околу 126 илјади гласови на советничките листи, што претставува убедливо најлош резултат во историјата. Или во број на советници, СДСМ има 230, што е за 2,5 пати помалку од ВМРО-ДПМНЕ. Споредбено со 2021 година, СДСМ имаат загубено околу 110 илјади гласови, а приближно 170 советнички места.
Да е трагедијата уште поголема, на неколку места во државата, СДСМ е трета, четврта и пак петта партија. Такви се случаите во Битола, Брвеница, Бутел, Дебарца, Карпош, Кисела Вода, Кочани, Брод, Могила, Долнени, Куманово, Шуто Оризари и градот Скопје.
СДСМ си го изгуби и бастионот Струмица и тоа уште во прв круг, а тенденциите се дека ќе ги изгуби скоро сите општини каде се влезени во втор круг, токму од ВМРО-ДПМНЕ.
Затоа, потребна е оставка од Филипче и итни реформи во СДСМ. Срамни се овие резултати на некогаш големиот Социјалдемократски сојуз. Нам ни е потребна опозиција која ќе биде коректив, а не опозиција водена од човек без кредибилитет, како Филипче.
