Лидер во реформската агенда за Западен Балкан е Македонија. Не Црна Гора, која е фронтранер за влез во ЕУ, не Албанија за која исто така се вели дека е фронтранер, не Србија, Босна и Херцеговина или Косово, се наведува во соопштението од ВМРО-ДПМНЕ.
Од 4 извештаи за реформската агенда, Македонија 3 пати е на првото место во исполнување на реформите. Последен доказ за тоа се доделените 65,7 милиони евра за Македонија од Европската комисија за остварување на реформите. Ако не правите реформи, нема да има пари. Со тоа што имаме најмногу добиено од цел регион, тезата на СДСМ пропаѓа во вода.
А токму тоа му смета на СДСМ, кои не знаат како да се однесуваат кога некој во државата работи во интерес на граѓаните. Тие се навикнати на неработа, на крадење и на местење тендери, договори и анекси.
Кога говорат за корупцијата и криминалот, ги посочуваме да погледнат во својот двор. Имаат човек во извршниот одбор кој е осуден на 8 месеци затвор, Филип Андов-Сокол. Поранешен потпретседател на СДСМ и дете на Заев, Стефан Богоев, фатен со мито за местење тендер. Поранешен градоначалник на општина Свети Николе од редовите на СДСМ добил кривична пријава за злоупотреба на службената положба. Поранешниот функционер на СДСМ, Васко Ковачевски, избеган во странство поради криминал. Модуларната болница во Тетово, поради 20 % анекс на договор што го потпишал Филипче, се запали и изгореа 14 наши сограѓани.
Корупцијата и криминалот се во сржта на СДСМ.
